Antxieta Eguna ospatuko da bihar, Urrestillan

AZPEITIA.

Jose Antxieta Santuaren Eguna ospatu ohi da azken urteotan Urrestillan. Aurtengo ospakizuna bihar, igandea, izango da. Honela, 12:00etan Meza berezia izango da bertako Parrokian eta Antxietako seme Jose Mari Etxeberriak gidatuko du. Bertan, oroitzapen berezia izango dute Antxieta Elkarteko hildako kideak eta gogoan izango da baita ere duela egun gutxi zendu den Basilio Urbistondo.

José de Anchieta, Juan de Anchieta urrestildarraren eta Mencía Díaz de Clavijo Kanariarraren semea zen. Tenerifeko La Laguna herrian jaio zen 1534an. 19 urterekin Brasilera joan zen eta bertan, bakegintzan eta kulturaren alde lan handia egin ostean hil zen, 65 urterekin. 2014an Santu izendatu zuen Francisco Aita Santuak eta harrez geroztik, ekainak 9aren (Brasilen Antxietaren Eguna) inguruan berritu ohi da ospakizuna Urrestillan ere.

Contenido Patrocinado

Fotos

Vídeos