Diario Vasco

Kultur sorkuntzako eta nekazaritza arloko hiru ikastaro berri eskainiko dira

Antolaketan bat egin duten eragileak eta udal ordezkariak.
Antolaketan bat egin duten eragileak eta udal ordezkariak. / UDALA
  • Udalak, Kultur Mahaiak eta Argazki Elkarteak antolatu dituzte UEUrekin eta Urkomerekin elkarlanean

Datozen egunetan hiru ikastaro berri abiatuko ditu Azpeitiko Udalak UEU, Kultur Mahaia, Argazki Ellkartea eta Urkomerekin elkarlanean. Alde batetik, kultur sorkuntzara begira bi ikastaro antolatu dituzte, kantugintza tailerra eta argazkilaritza digitaleko ediozoaren inguruko ikastaroa. Bestetik, produktu fitosanitarioen aplikatzailearen oinarrizko ikastaroa eskainiko dute, nekazari profesionalei zuzenduta.

Argazkilaritza digitaleko edizio tailerra maiatzaren 8an hasiko da eta 12an amaitu. 18:00etatik 20:00etara izango da, Azpeitiko Argazki Elkartearen egoitzan. Argazkilari-tza digitalaren edizioaren oinarrizko kontzeptu teoriko eta teknika praktikoak azalduko ditu Esther Gamito argazkilari eta diseinatzaile grafikoak. Tonua, kolorea, argitasuna, tenperatura, kontrastea, mailak, kurbak eta mozketa eta konposaketa landuko dituzte, besteak beste. Azpeitian erroldatuta daudenek 15 euro ordaindu beharko dute izen-ematea, eta gainerakoek 18,75 euro.

Gure imajinarioa kantugintzaren bitartez ikastaroan zenbait kantari eta musika taldek kantuetarako erabili dituzten testuak eta kantari eta poeten arteko harremanak aztertuko dituzte. Hala, idazleak, musikariak, testuingurua eta ondorioak aztertuko dituzte. Saioak maiatzaren 3an, 10ean, 17an, 24an eta 31n izango dira, 18:00etatik 20:00etara, Dinamoan. Rafa Ruedak eta Go-tzon Barandiaranek zuzenduko dituzte saioak. Azpeitian erroldatuta daudenek 18 euro ordaindu beharko dute eta 22,5 euro gainerakoek.

Azkenik, Urkomerekin elkarlanean, produktu fitosanitarioen aplikatzailearen oinarrizko ikastaroa antolatu du Udalak. Nekazari profesionalei zuzendutako ikastaroa da eta, eta nekazaritza-txartela dutenek edo produktu fitosanitarioak lanean erabiltzen dituztenek hartu ahal izango dute parte. Asistentziak %90koa izan beharko du, eta ikastaroa amaitzean parte-hartzaileek azterketa egingo dute. Saioak maia-tzaren 15ean, 16an, 17an, 18an, 22an eta 23an eskainiko dituzte, Sindikatu Zaharreko 1 solairuan, 15:00etatik 19:00etara.

Ikastaroetan izena emateko azken eguna hilaren 28a da. Kultur arloko bi ikastaroetan izen-ematea ikastaroak@azpeitia.eus helbidean, 943-15 71 92 telefonoan edo Gizarte Zerbitzuetan egin behar da. Produktu fitosanitarioen aplikatzailearen ikastaroan izena emateko, aldiz, 943- 69 21 66 zenbakira deitu (Fraisoroko eskola) edota fpefraisoro@ hazi.eus emailera idatzi behar da.

Recibe nuestras newsletters en tu email

Apúntate