Diario Vasco

Euskarazko kulturak eremu euskaldunetan duen pisuaz hitz egingo dute asteartean

Hainbat eragile ari da lanean Korrikaren bueltan.
Hainbat eragile ari da lanean Korrikaren bueltan. / KORRIKA BATZORDEA
  • Korrika kulturalaren baitan antolatutako hitzaldia da eta Sanagustinen izango da, 19.00etan hasita

'Euskarazko kulturaren kontsumoa eta erreferentzialtasuna eremu euskaldunetan' mahai-ingurua izango da datorren asteartean, martxoaren 21ean, Sanagustin kulturgunean, 19:00etatik aurrera. Kulturaz kooperatibak, AEK-k eta Natul euskara taldeak antolatu dute solasaldia, Korrika Kulturalaren baitan, eta honako gonbidatuak entzuteko aukera izango da: Oier Aranzabal kultur kudeatzaile, musikari eta kazetaria; Lander Arretxea komunikazioan aditua; Ane Bastida musikaria eta Miren Gorrotxategi idazlea. Gorrotxategi arduratuko da gaiak eta egoerak jar-tzeaz.

Korrika Kulturalak ahalegin bat egiten du, Korrikaren aitzakiapean, ikusgarritasuna emateko euskarazko kulturari, haren kontsumoari eta erreferentzialtasunari. «Gure herrian, Azpeitian, euskarazko kultur-eskaintza oparoa da, eta ikusgarritasuna ere agerikoa da. Zer gerta-tzen da, ordea, kontsumoarekin eta erreferentzia kulturalekin?», galdetzen dute.

Gai horri tiraka, kontsumitzaileen perfilaz, transmisioaren garrantziaz, hizkuntza gutxituen aukerez, euskaldunen hautuez eta halako gaiez hitz egingo dute. Hitzaldia irekia da, eta herritar guztiak gonbidatu nahi dituzte.

Recibe nuestras newsletters en tu email

Apúntate