Diario Vasco

Ehun lagunetik gora elkartu ziren Azpetia-Hazparne pausoz pauso egitasmoko bigarren etapan

Taldea goizean abiatu zen Zarautzen, sei ordu inguruko ibilaldia zuten aurretik.
Taldea goizean abiatu zen Zarautzen, sei ordu inguruko ibilaldia zuten aurretik. / LAGUN ONAK MB
  • Zarauztik abiatu eta Donostiarainoko ibilbidea burutu zuten pasa den zapatu goizean

Asteburuan 'Azpeitia-Hazparne, pausoz pauso' egitasmoko bigarren etapa burutu zen. Oraingoan Zarautzen abiatu eta Donostian amaitu zen ibilaldia eta ehun lagun inguru bildu ziren. «Harriduraz» hartu dute Lagun Onak Mendi Bazkunako antolatzaileek jendearen aldetik horrelako erantzuna. «Bai geu eta baita partaide asko ere harrituta gaude jendearen partaidetza ikusita. Oso talde haundia, kontutan izanda Zarautzen Hazparneko lagunak (8 lagun) eta beste pare bat ere bai zain izango genituela», adierazi dute mendizaleek beren web orriaren bitartez.

Zapatuko goizean, 8:45etan hasi ziren ibiltzen. Munoatik abiatu ziren eta eguraldia ere -estraineko etapan ez bezala- lagun izan zuten.

Orio eta Igeldotik barna, 15:00ak inguruan Zurriolako hondartzara iritsi ziren, etapako 26 km-ak egin ondoren. Beraz, sei orduko ibilaldia egin zuten, tartean malda handiko mendaterik ez bazen ere, gora behera batzuk igaro ostean. Lagun Onak Mendi Bazkunako kideek «giro ederra» azpimarratu zuten ibilaldi osoan zehar eta dagoneko hirugarren etapa antolatzen ari dira. Martxoaren 18an izango da hurrengoa. Donostian irten eta Hondarribian amaituko da ibilaldia. Orain artean bezala, izena emateko epeak egun ba-tzuk lehenago zehaztuko dituzte mendizaleen elkartetik.

Recibe nuestras newsletters en tu email

Apúntate