Diario Vasco

Hezitzaile lanetan aritzen diren gizonezkoentzako tailerra antolatu da

  • Hiru orduko ikastaroa izango da, otsailaren 25ean, eta hilaren 22a baino lehen eman behar da izena

Haur eta gaztetxoen hezitzaile lanetan aritzen diren gizonezkoentzako 3 orduko tailerra antolatu du Gazteria sailak. Otsailaren 25ean egingo da eta helburua «haur eta gazteen hezitzaile aritzen diren gizonak bildu eta gaia lantzea« da. «Asko dira, haur eta gazteekin aisialdian aritzen diren hezitzaileak, kirolean, aisialdiko taldeetan, bertsolaritzan eta beste hainbat jardueratan, eta horien ekarpena garrantzitsua da haur eta gazteen bizitzan, haien harremanetan eta bizimoduan eragina dute, batzuen erreferente dira, egoera zailetan babesa eskaintzen diete...», diote arduradunek.

3 orduko saioa izango da eta gizon izateko erreferenteez hitz egingo da,» gizon izateko bakoitzak duen ikuskeraz, jasotako ereduez, eta noski, gure haur eta gazteei helarazi nahi zaizkien eredu eta jarrerez».

Gaztelekua eskainiko da tailerra, goizeko 10:00etatik 13:00etara arte. 5 euro balio du. Izena emateko azken eguna otsailaren 22a da. Horretarako Gazte Informazo Bulegora (GIB) gerturatu; 943157160ra deitu edo gib@azpeitia.eus mezua bidali behar da.

Recibe nuestras newsletters en tu email

Apúntate