Diario Vasco
'Bertsoa deseraikitzen' kartela.
'Bertsoa deseraikitzen' kartela.

Bertsoak eta 'Inharrak', bi proiektu aurkeztuko dira Dinamoan datorren astean

  • 'Bertsoak deseraikitzen' saioa batetik, eta herritarren sormen lan bat izango dira, bestetik

Dinamoa, Soreasuko Sormen Gunea, badoa piskanaka-piskanaka motorrak berotzen eta datorren asterako bi ekimen antolatu dira bertan. 'Bertsoa deseraikitzen' saioa izango da estraineko, azaroaren 30ean, asteazkenean, 19:00etan hasita; eta ostegunean, aldiz, 20:30ean, 'Inharrak' proiektua aurkeztuko du herritar talde batek.

«Ez da bertso saio arrunta»

Amets Arzallus eta Unai Iturriaga bertsolariak izango dira protagonista 'Bertsoa deseraikitzen' saioan. Hitzetatik, irudietatik... bertsoa nondik datorkien azalduko dute bi bertsolariek, Inaxio Usarralde gai-jartzaileak gidatuta. «Bertsorik faltako ez den arren, ez da bertso saioa izango, ez behin-tzat saio arrunta», aurreratu dute antolatzaileek.

Bestalde, irudiz, musika eta hi-tzez osaturiko ikus-entzunezko lan laburrak sortzen ari dira Egoitz Arruti, Eider Bereziartua eta Iraia Bereziartua herritarrak. Udalak eta Kultur Mahaiak elkarlanean eginiko sorkuntza beka jaso zuen proiektuetako bat da 'Inharrak', eta euren lanaren sormen prozesua azalduko dute egileek.

Recibe nuestras newsletters en tu email

Apúntate