Diario Vasco
'Azken eguzkilorea' lanak itxiko du asteburuko eskaintza.
'Azken eguzkilorea' lanak itxiko du asteburuko eskaintza.

'Swweney', 'E, Petrel!' eta 'Azken eguzkilorea' dira asteburuko antzerki eskaintzak

  • Soreasun izango dira saioak, 21:30etik aurrera, igandekoa ezik, gaztetxoentzat saioa 17:00etan delako

Azpeitian ospatzen ari diren XXXIV. Antzerki Topaketak aurrera doaz eta jada azken txanpan sartzear dira. Hala ere, asteburu honetan bertan hiru emanaldiz goza-tzeko aukera izango dute antzerkizaleek. Gaur izango da estrainekoa, 21:30ean hasita, Amancay Gaztañaga zestoarrak zuzendutako 'Sweeney' lana taularatuko da Soreasun. 'Sweeney Todd' musikalean oinarrituta dago 'Sweeney' lana. Erritmo ezberdinekin eta «katigatzen» duten horietakoa.Komedia iluna, baina erakargarria.

Bihar, 21:30ean baita ere, an-tzerkia izango da Soreasun. 'E, Petrel!, Astrolabium teatroaren tartea izango da. Mikel Sarriegik moldatutako Julio Villaren' ¡Eh, petrel! Cuaderno de un navegante' lanean oinarrituta dago obra. Liburuan, Julio Villarrek Mistral belaontzian egindako bidaia gogoangarria kontatzen da, 1968an Bartzelonatik abiatu eta, 38.000 itsas milla egin ostean, Donostiara iritsi zen 1972an, munduaru bira emanda. Garai hartako eta egungo protagonisten ikuspegitik kontatuko dute Astrolabium Teatrokoek bidaia hura.

Azkenik, asteburuko eskaintzari bukaera emateko, igandean, topaketetan ohikoa bihurtu den bezala, gaztetxoentzat nahiz helduen-tzat eskaintza izango da Soreasun baina ordutegi desberdinarekin, 17:00etan hasiko baita saioa.

'Azken eguzkilorea' lana ikusteko aukera izango dute Soreasura gerturatzen diren familiek. Patata tropikala antzerki taldearen lana da 'Azken eguzkilorea'.

Iker Etxarrik zuzenduta, Judith Poves, Etxarri bera eta Maite Perea izango dira taula gainean.

Sarrerak bost euro balio du, 3 euro txikitxoen kasuan.

Recibe nuestras newsletters en tu email

Apúntate