Festa eguna Errabal kalean

Samartin jaiak ospatu dituzte Bustinzuriko Errebalean. Ostiralean mus txapelketa izan zuten eta atzo, egun osoa igaro zuten festan. Goizean, haur jolasak zirela eta, kaleko eta inguruko bizilagun ugari gerturatu zen beren txikiekin. Aurpegiak margotu, jolastu eta zezen txikiekin, batzuk begira eta besteak korrika, gozatzeko aukera izan zuten. Txokolatada ere egin zuten eta nola ez, sokamuturra izan zuten ondoren. Zezen Beltz elkarteak antolatuta, beste behin, herritar ugari bildu zuen zezenak.