Diario Vasco

Errebalean festak izango dira datorren asteburuan

Iazko sokamutur txikia, Errebalean.
Iazko sokamutur txikia, Errebalean. / E. A.
  • San Martin jaietarako bi eguneko egitaraua prestatu dute auzotarrek

San Martin jaiak izango dituzte laster Bustinzuriko Errebalean. Bi eguneko egitaraua prestatu dute bertan.

Ostiralean, hilaren 11n, IV. Mus Txapelketa jokatuko dute Pikua eta Urtzi tabernetan, 22:00etan hasita. Txapelketan parte hartzeko aurrez eman beharko da izena, eta bikoteko 20 euro ordaindu beharko da. Txapelketaren irabazleek bildutako diruaren %50a eta txapela jasoko dituzte; bigarrenek, bildutako diruaren %25a eramango dute eta hirugarren bikoteak %15a; laugarrenentzat ere izango da saria, hauek %10a jasoko dute.

Zapatuan izango da egun handia Errebalean. Goizean hasi eta gauera arte hainbat ekitaldi izango dira. 11:00etan goiz eresia egingo dute txistulariek, eta jarraian, 12:00etan, ume jolasak izango dira. Ondoren, zezen txikiekin eta poniekin jolasteko aukera izango dute txikitxoek. 15:30ean, txokolatada egingo dute, eta 16:30ean sokamuturra izango da, oraingoan, helduentzat.

Behin zezena amaitutakoan, triki-pintxo-poteoa egingo dute Errebaleko tabernetatik, eta 21:00etan afaria egingo dute Txokoa jatetxean. Afarirako izena datorren ostegunera, hilak 10era, bitartean eman ahal izango da Pikua tabernan. Eguna bukatzeko, Trini Foxek kontzertua eskainiko du, 23:00etan hasita.

Datozen egunetan, Errebaleko dendariek txartelak banatuko dizkiete bezeroei. Ondoren, bi otarre zozkatuko dituzte festetan.

Recibe nuestras newsletters en tu email

Apúntate