Diario Vasco

Maider Gaztañaga eta Mitxel Cuadrado ordiziarrak nagusi VII. Kros mistoan

Maider Korta eta Igor Uranga azpeitiarrak, helmugaratzen
Maider Korta eta Igor Uranga azpeitiarrak, helmugaratzen
  • 87 bikotek hartu zuten parte Ikasberri Kirol Elkarteak antolatutako proban. Hurrengoa Errezilen izango da, hilaren 20an

  • Igor Uranga eta Maider Kortak osatutako bikotea izan zen Azpeitiko lehen bikotea

Azpeitiko Herriarteko VII. Kros Mistoa jokatu berri da eta aurpegi ezagunak izan dira podiumean. Izan ere, ez zen hau lehen aldia Maider Gaztañaga eta Mitxel Coadrado ordiziarrek irabazten zutena. Beraiek izan dira azkarrenak edizio honetan ere. Goierritarrek 0:23:25ean osatu zuten 6,2 kilometroko ibilbidea. Bigarren postuan Javier Delgado irundarra eta Alejandra Arribas iruindarra sailkatu ziren (0:23:56), eta hirugarrenak izan ziren Zizurkilgo Lourdes Colomo eta Jose Luis Arrate (0:24:22). Podiumeko hiru estrainekoekin batera, aurreneko azpeitiarrek ere sari berezia izan zuten. Hala, Igor Uranga eta Maider Korta ere podiumera igo ziren; Azpeitiko lehendabiziko bikotea izan zen (0:26:40).

Euskal Selekzioaren aldeko aldarrikapena bihurtu zen beste behin Ikasberri Kirol Elkarteak antolatutako proba. «Gustura» agertu dira antolatzaileak izandako harrerarekin, «guztia oso ondo» joan delako.

87 bikotek hartu zuten parte proban. Sailkapenak ikusgai daude jada herrikrosa.eus webgunean.

Aurten lehen aldiz abian jarri dute iniziziatiba berri bat, Urola Kostako Kros Mistoen I. Txapelketa hain zuzen ere. Honela, txapelketa horretarako baliogarria den aurreneko lasterketa izan da Azpeitikoa.

Hiru proba izango dira guztira. Hurrengo hitzordua Errezilen izango da, azaroaren 20an; eta abenduaren 4an bukatuko da, Zarauzko kros mistoarekin.

Recibe nuestras newsletters en tu email

Apúntate