Diario Vasco

VII. Azpeitiko Herriarteko Kros Mistoa jokatuko da bihar arratsaldean

Antolatzaileak, udal ordezkaria eta Vanesa Cerrajero eta Mikel Artetxe parte-hartzaileak.
Antolatzaileak, udal ordezkaria eta Vanesa Cerrajero eta Mikel Artetxe parte-hartzaileak.
  • Euskal selekzioaren aldeko lasterketa 18:30ean hasiko da plazan, eta bertan izango da helmuga ere

Bihar, zapatua, arratsaldeko 18:30ean, emango zaio hasiera aurtengo VII. Kros Mistoari. Ikasberri kirol elkarteak antolatutako proba, beste behin, euskal selekzioaren aldeko aldarria bihurtuko da eta zertxobait laburragoa izango da edizio honetan. Honela, 200 metro gutxiago izango ditu. Parte-hartzaileek 6,2 km. egin beharko dituzte, plazan hasi eta plazan bukatuz. Kanpotik datozenentzat bereziki, ludoteka zerbitzua ere ipiniko dute, 4 eta 8 urte bitarteko haurrentzat, 16:30etik 19:30era bitartean.

Dagoeneko, 60 bikotek eman dute izena proban (atzo arratsaldeko datuak dira). Inskripzioak oraindik ere egin daiteke, herrikrossa.eus web orriaren bitartez edota Aitzaki kirolaken, Aradi-Robersen, Santi Lazkanon eta Mugin. Hala ere, azken unera arte, irteera baino tarte bat lehenagora arte, izena emateko aukera izango da. 14 urtetik gorakoek har dezakete parte proban.

Lasterketa dela-eta zirkuito osoa trafikoarentzat itxita egongo da, 18:15etik 19:15era bitartean. Antolatzaileek «pazientzia eta errespetua» eskatzen diete herritarrei.

Era berean, Krosa dela eta, herri barruko autobus geltokiak tokiz aldatuko dituzte, 18:15etik 19:45era bitartean. Tarte horretan autobusek ez dute geldialdirik egingo anbulatorioko, Burdinbidearen Euskal Museoko eta Julian Elorza kaleko geltokietan. Ordezko geltokia bariantean izango da, trenaren museoko oinezkoentzako zubiaren parean.

Urola Kostako Kros Mistoen I. Txapelketa antolatu da aurten eta biharkoa izango da estraineko proba. Errezilen izango da hurrengoa, azaroaren 20an, eta Zarauzkoa, abenduaren 4an.

Recibe nuestras newsletters en tu email

Apúntate