Diario Vasco

UEMAren hezkuntza proiektua lantzen hasi dira herriko ikastetxeak

UEMAko, Udaleko eta Azpeitiko ikastetxeetako ordezkariak hezkuntza proiektuaren aurkezpenean.
UEMAko, Udaleko eta Azpeitiko ikastetxeetako ordezkariak hezkuntza proiektuaren aurkezpenean. / E.A.
  • DBH eta Batxilergo ikasleei zuzenduta dago eta Azpeitiko kasuan 1.000 neska-mutil inguru daude proiektuan

«Udalerri euskaldunetako herritarrak sentsibilizatzea eta ahalmentzea, arnasguneen garrantziaz ohar daitezen, hizkuntza ohituretan euskararen aldeko hautua egiteko», hau da UEMAren (Udalerri Euskaldunen Mankomunitatearen) ildo estrategikoetako bat.

Horrela, gai hau udalerri euskaldunetako eskoletan lantzeko egitasmoa prestatu eta proba moduan zenbait herritan arnasgune tailerrak abian jarri zituen UEMAk. Bide horretan, gorputza hartzen joan da proiektua eta DBHrako eta Batxillergorako materiala sortu dute. Iazko ikasturtean Urola Ikastolako ikasleak esperimentu pilotu gisa ipini zuten abian proiektua eta oraingoan Azpeitiko Ikastola Ikasberrira eta Iraurgi Ikastetxera zabaldu da, Udalaren laguntzarekin.

Hezkuntza proiektuaren berri eman zuten atzo UEMAko lehendakari eta Udaleko Euskara batzordeburu Josu Labakak, Leire Goenaga Udaleko Hezkuntza batzordeburuak, Arantxa Bidezabal Azpeitiko Ikastola Ikasberriko zuzendariak, Vanesa del Castillo Iraurgi Ikastetxeko ordezkariak eta Alberto Izagirre Urola ikastolako zuzendariak.

Iosu Labakak hiru ikastetxeek azaldutako «prestutasuna, elkarlanerako erraztasuna eta borondatea» azpimarratu zituen ezer baino lehen.

UEMAk aurrera eramandako azterketetan udalerri euskaldunenetan, euskaren arnasgune bezala identifikatutako eremuetan, euskararen ezagutzan eta erabileran «atzerakada» atzeman da. Hortik abiatuta «herritarren sentsibilizazioan eragiteko, jabetzeko, eta zerbait egitearen beharra» ikusi dute.

DBHn eta Batxilergoan ipini damartxan hezkuntza proiektua, metodologia ezberdinekin. DBHn, ikastetxeetako irakasleek ematen dizkiete klaseak ikasleei. Horretarako aurrez UEMAko teknikariek formakuntza eskaintzen diete.

Batxilergoko ikasleen kasuan UEMAko teknikariek ematen dizkiete klaseak. Hala, ikasleek «hizkun-tza ekologia eta euskararen arnasguneen» inguruko hainbat kontzeptu lantzen dituzte teknikarien laguntzaz. Urola Kostako beste hainbat herrirekin batera, 4.000 ikasle inguruk hartuko dute parte hezkuntza proiektuan. Azpeitiko kasuan, 1.000 ikasle inguru izango dira. Kurtso amaieran, UEMAk autoebaluaketak jaso eta «urtez urte, beharrei eran-tzuna ematen saiatuko dira», esan zuen Labakak.

DBH eta Batxilergotik hasi dira, «ea hurrengo kurtsoari begira, gai garen beste mailatan, Haur Hezkun-tzan eta Lehen Hezkuntzan ere, abian ipintzen», gaineratu zuen.

Recibe nuestras newsletters en tu email

Apúntate