Diario Vasco

Kirola eta kirolarien kalitatea hobetzeko formazio saioak antolatu ditu Udalak

Kirol Mahaiko kideak, udal arduradunak eta teknikaria.
Kirol Mahaiko kideak, udal arduradunak eta teknikaria.
  • Kirol Mahaiarekin elkarlanean, saio desberdinak antolatu dira eta doan izango dira

«Adin, izaera eta bilakaera ezberdinetako herritarrek egiten dute kirola edo ariketa fisikoa, eta guztietan dago zer hobetua eta zer ikasia. Oso garrantzitsua irudi-tzen zaigu kirolaren eremuan osasuna, segurtasuna, praktika zuzenak eta jarrera egokiak lantzea, eta horretarako adituen hitzaldiak eta ikastaroak ezinbestekoak direla uste dugu», adierazi du Estitxu Elduaien Kiroletako batzordeburuak. Hori horrela, Udalak, Kirol Mahaiarekin elkarlanean, kirolarekin lotutako formazioa eskainiko du. Batetik, kirol mahaiko kideentzako ikastaroak, eurekin adostutako gaiekin eta, bestetik, herritar ororentzako saioak, gai orokorragoekin. Saio guztiak irekiak izango dira, eta dohainik.

Kirol mahaiko kideek hala lehenetsita, honako ikastaroak egingo dira urtea amaitu aurretik: Bihotz biriken suspertze eta kanpo desfibrigailuen inguruko tailer praktikoa. Kirol taldeentzako kideentzat izango da ikastaroa, bi ordukoa, eta DYAko adituek emango dute, larrialdi egoeretan nola jokatu aztertzeko.

Abenduan, Azpeitiko kirol arloan emakume eta gizonen berdintasunari buruzko formazio saioa ere eskainiko da. Saioa azaroaren 16an izango da, udaletxean, eta bi ordu iraungo ditu. Irekia izango da, eta herritar orok hartu ahal izango du parte.

Elikadura kirolean, 27an

Bestetik, herritar ororentzako ekitaldiak antolatu ditu Udalak. Bi-hiru hilean behin, saio irekiak egingo dira igerilekuan, aldian aldiko gaien inguruan, beti ere kirola, osasuna, eta praktika onak lotzen dituzten gai inguruan.

Aurreneko saioa urriaren 27an izango da. 'Elikadura kirolean; erresistentzia probak' izenburupean, maratoi erdia edo bestelako erresistentzia probetarako dieta, hidratazio eta suplementazioaz ariko da Aitziber Aizpuru nutrizionista azpeitiarra. Igerilekuko gela urdinean izango da, 20:00etan hasita, eta saio praktikoa izango da, ordubetekoa.

Recibe nuestras newsletters en tu email

Apúntate