Diario Vasco

Herriko plaza eta guneak «jolaserako» aldarrikatu dituzte Gazteriakoek

Ludoteketako eta Udaleko ordezkaria, aurkezpenean.
Ludoteketako eta Udaleko ordezkaria, aurkezpenean. / E.A.
  • 'Plazatarrak' egitasmoa abian da berriro eta bihar, ostirala, izango da lehen topalekua, Enparantza Nagusian

Udalak Iturritxiki eta Txiki Txoko ludoteken bidez ekimen berria jarri zuen abian udaberrian. Ikasturte berrian ere egitasmoari heltzea erabaki da. Honela, 'plazatarrak' egitasmoa berriro martxan izango da bihartik, urriaren 21etik, aurrera.

Plaza izango da topalekua, 17:30etik 19:30era bitartean. 'Herria ezagutuz' izango da lehen ekintza, HH5 eta LH6 bitarteko haurrei eta beren gurasoei zuzenduta.

Haurrei eta gurasoei elkarrekin aisiaz eta herriaz gozatzeko aukera eskaintzea da helburua. «Giro lasaian, jolaserako eta lagunartean herriko espazio publikoak, batez ere plazak» berreskuratu nahi dira. «Haurrentzako herria guztiontzako moduko herria da, eta herrian parkeak baditugu, baina parkerik gabe jolaserako hamaika gune eta plaza ere baditugu; gurasoekin, anai-arrebekin, lagunekin... jolasteko. Eta horixe lortu nahi dugu, herritarrak guraso eta haur elkarrekin jolasean ikustea», esan dute antolatzaileek.

Hileko ostiral arratsalde batean herriko txoko ezberdinetan hainbat ekintza burutuko dituzte. Horrekin batera, gurasoek eta beren seme-alabek aisialdia partekatzea bultzatu nahi da. «Hilean arratsalde batez behintzat plan bat eskaini nahi diegu herriko familiei. Haurrak, erraz animatzen direla ikusi genuen udaberrian. Gurasoei, berriz, gehiago kostatzen zaie anima-tzea». Gurasoei dei berezia egitenzaie haurrekin aisia elkarbanatzeko eta egitasmoan parte hartzeko.

Recibe nuestras newsletters en tu email

Apúntate