Diario Vasco

Udalak aldi baterako merkataritza dinamizatzailea kontratatuko du

Azpeitiko Udalak aldi baterako merkataritza dinamizatzailea kontratazeko prozedura jarri du abian. Lanbideren bidez egingo da Kontratazioa . Izena emateko azken eguna datorren ostirala, urriaren 21a, izango da.

Dinamizatzaileak Bertan Merkatari Elkartearen eguneroko koordinazioan, kudeaketak eta ekintzak aurrera eramaten lagundu beharko du. Horrez gain, Fideliza Azpeitia proiektuan eta azpeitiarren kontsumo ohituren ikerketa osatzen lagunduko du, baita datu baseak sortzen eta horiek kudeatzen ere. Dendartean Gipuzkoako Merkataritza Bilkurak Eusko Jaurlaritzarekin duen bertako ekoizleen webgunearen proiektua ere landu beharko du. Hala nola, ekoizleak identifikatu, ekoizleen kontakturako datuak lortu, eta datu horiek webgunean sartu beharko ko ditu.

Eskatzaileak langabezian egon eta 35 urte baino gutxiago izan beharko ditu. Ezinbestekoa da Urola Erdian bizitzea. Sei hilabeteko lanaldi osoko kontratua izango du dinamizatzaileak, honako ordutegian: goizeko 08:30etik 13:30era eta arratsaldeko 14:30etik 17:30era.

Recibe nuestras newsletters en tu email

Apúntate