Errekorra hautsi du Burdinbidearen Museoak

Euskotrenek kudeatutako Burdinbidearen Euskal Museoa urte aparta ari da izaten: bi hilabete eta erdi falta dira 2016a amaitzeko, eta asteburu honetantxe gainditu ditu aurreko urteetako errekor denak bisitarien eta tren historikoen erabiltzaileen kopuruari dagokionez.

Azpeitia-Lasao bideaz gozatu duten bisitariak, hain zuzen, 14.963 baino gehiago izan dira, eta gainditu dute horrenbestez aurretik finkatuta zeguen marka. Azaroaren 1ean amaituko den kanpainaren barruan oraindik ere 9 zerbitzu erregular gelditzen direnez, eta horiei abenduko zubian egingo diren ezohiko zerbitzuak gehituko zaizkienez, urteko balantzea askoz hobea izango dela aurreikusi du Euskotrenek ohar baten bidez.