Diario Vasco

Sahatsa, Julian Barrenetxea eta Musika Bandaren ikuskizuna zapatuan

Irailetik hasita ari dira hiru taldeak entsaiatzen.
Irailetik hasita ari dira hiru taldeak entsaiatzen. / SAHATSA
  • Soreasu antzokian izango da emanaldia, 22:00etatik aurrera

Musika eta dantza uztartuko dira zapatuan, hilaren 15ean, prestatzen ari diren emanaldian. Sahatsa dantza taldea, Julian Barrenetxea abesbatza eta Musika Banda buru belarri ardi dira azken egunotan entseatzen eta zapaturako «ikuskizun bikaina» eskaintzeko prest daude. Soreasu antzokian izango da emanadia, 22:00etatik aurrera.

Hiru atal izango ditu saioak: Bidasoa, Carmina Burana-Nabucco eta Bardeak.

Sahatsako hainbat kide Nafarroako Bidasoa eta Erribera inguruetan ibili dira, bertatik bertara hango dantzak ikusi eta ikasteko.«Berako Bordon dantzan eta Erriberako makil dantzen topaketetan ikusitako jendean, paisaian eta orografian» inspiratu dira emanaldia sortzerako orduan, Sahatsako taldekideek aurreratu dutenez.

Hala, atal bakoitzean istorio bat kontatuko dute. Bidasoari dagokionean, Donamariako dorretxeko alaba gaztearen kondaira izango dute gaitzat, erregin izateko eskaera egingo dioten egunerako prestatzen. Hiru taldeek elkarlanean osatu dute.

Bigarren zatian, Carmina Burana eta Nabucco obraren inguruko kon-tzertua eskainiko dute Julian Barrenetxea abesbatzak eta Musika Bandak, elkarrekin. Azkenik, berriro hiru taldeak alkartuta, Erriberako soinuak eta dantzak nagusituko dira.

Irailetik hasita buru belarri ari dira hiru taldeak emanaldia entseatzen eta ikusleak Soreasura hurbiltzeko deia luzatzen dute.

Recibe nuestras newsletters en tu email

Apúntate