Diario Vasco

Leku berrian baina «betiko indarrarekin» dator VIII. Garagardo Azoka

Antolatzaileek Azpeitiko 'Urrifest' edo garagardo festa aurkeztu dute.
Antolatzaileek Azpeitiko 'Urrifest' edo garagardo festa aurkeztu dute.
  • Ostegunean, urriaren 6an hasi eta bi asteburutan egingo da Alberdieneako aparkalekuan

Alemaniako Oktoberfest festa ezagunak anaia txikia izango du Azpeitian. Aurtengoan ere garagardo festa antolatu du Iraurgi Saskibaloi Taldeak, Bertan Merkatari Elkartea, Udala eta Tabernarien Elkartearen laguntzarekin. Datorren ostegunetik, urriaren 6tik, hasi eta, 7an, 8an, 11n, 14an eta 15ean izango da aurtengo edizioa. Urrifestak VIII. edizioa beteko du, berrikuntza nabarmen batekin iritsiko da gainera; karpa Alberdieneako aparkalekuan jarriko da.

Egitarau oparoaz gozatzeko aukera izango da eta kontzertuak, mus txapelketa edota DJ saioak egongo dira, besteak beste. Hamabi garagardo ezberdin, ukondoa, oilaskoa edota saltxitxak dastatzeko aukera izango da.

Sei eguneko jaia izango da. Beraz, lagundu nahi duten herritarrak ongietorriak izango dira. Horregatik, sukaldean edota barran esku bat botatzeko prest daudenak 662 313 146 edo 640 537 014 telefonora deitu behar dute.

Recibe nuestras newsletters en tu email

Apúntate