Diario Vasco

Burdinbidearen Euskal Museoak lurrunezko hiru tren jarriko ditu martxan asteburuan

Burdinbidearen Euskal Museoak Europako tren bildumarik hoberenetariko bat dauka.
Burdinbidearen Euskal Museoak Europako tren bildumarik hoberenetariko bat dauka. / ELI AIZPURU
  • Ibilgailu hauek Azpeitiko instalazioetatik Lasaora joango dira larunbatean 12:30ean eta 18:00etan eta igandean 12:30ean

Euskotreneko Burdinbidearen Euskal Museoak lurrunezko hiru tren zirkulazioan jarriko ditu asteburu honetan, Azpeitiko instalazioetatik Lasaora. Zehazki, larunbat honetan, urriaren 1ean, 12:30ean eta 18:00etan irtengo dira trenak, eta igande honetan, urriaren 2an, 12:30ean, museoko arduradunek jakinarazi dutenez.

Burdinbidearen Euskal Museoak Europako tren bildumarik hoberenetariko bat dauka, mota askotako ibilgailuekin: lurrunezko, diesel eta elektriko tren makinak; automotoreak eta bagoi mota desberdinak.

Era berean, Euskadiko makina tresna multzorik osatuena eskaintzen du, Urolako Trenbidearen antzinako tailer mekanikoaren bidez. Horrez gain, XIX. mende bukaeratik trenbidean erabilitako uniformeen erakusketa bat eta munduko trenbide erlojuen bildumarik hoberenetarikoa ditu.

Halaber, aurtengo jardueren eskaintzan 'Egun batez sugina' ekimena dago, hau da, Azpeitia eta Lasao artean dagoen lurrunezko zerbitzuaren tren makina baten kabinan bidaiatzeko aukera. Ekimen berezi honen prezioa 50 euro da, igandeetan egingo da eta egun bakoitzean bakarrik parte hartzaile bat onartuko da.

Temas

Recibe nuestras newsletters en tu email

Apúntate