Diario Vasco

Lau eta bateko emaitzarekin hasi du denboraldia Ikasberri Garoa preferenteko taldeak

Jokalariak lehen partida hasi aurretik futbol zelaian.
Jokalariak lehen partida hasi aurretik futbol zelaian. / AIZPURU
  • Igandean hasi ziren Aitor Manterola entrenatzaile berriarekin eta garaipen zabala lortu dute

Ikasberri Kirol Elkarteko taldeek hasi dute 2016-17 denboraldia. Lehen taldeak garaipen zabala lortu zuten estraineko norgehiagoka honetan. Arrasatearrak izan zituzten arerio herritarrek eta 4 eta 1eko emaitza lortu zuten.

Partida hasi eta berehala estreinatu ziren markaigailuan etxekoak. Iker Arregi izan zen protagonista. Bi gol sartu zituzten atsedenaldia baino lehen. Bigarrena, Iker Arakistaini esker. Bera izan zen azken golaren protagonista ere. Izan ere, bigarren zatian, beste bitan izan zuten baloia aurkarien sareetara bidaltzeko aukera. Hirugarrena, Kepa Orbearena izan zen.

Estuasun piska bat ere pasa zuten bigarren zatian. Izan ere, arrasatearrak gola sartu zuten amaitzeko 20 minutu falta zirenean. Gutxi iraun zien ordea larritasunak, azken bi golak egin baitzituzten ostean. Honela, ezin hobeto hasi dute denboraldia Ikasberri Garoa taldekoek.

Minutu bateko isilunea

Bestalde, pasa igandeko partida berezia izan zen Ikasberri Kirol Elkarteko kideentzat futboletik at. Norgehiagoka hasi baino lehen minutu bateko isilunea egin zuten hil berri den herritar Iñaki Olaizolaren alde, semea Ikasberri Biele, erregional taldeko kidea baita.