Diario Vasco

Azpeitiako tren bilduma handituko da

Burdinbidearen Euskal Museoak Europako tren bildumarik hoberenetariko bat dauka.
Burdinbidearen Euskal Museoak Europako tren bildumarik hoberenetariko bat dauka.
  • Burdinbidearen Euskal Museoak lurrunezko hiru tren jarriko ditu martxan asteburuan

Eusko Jaurlaritzako Ingurumen eta Lurralde Politika Sailaren esku dagoen Euskotreneko Burdinbidearen Euskal Museoak lurrunezko hiru tren zirkulazioan jarriko ditu asteburu honetan, Azpeitiko instalazioetatik Lasaora. Zehazki, larunbatean, irailaren 17an, 12:30ean eta 18:00etan irtengo dira trenak, eta igandean, hilaren 18an, 12:30ean.

Museoko arduradunek jakinarazi dutenez, instalazioen udako ordutegia ondorengoa da: asteartetik ostiralera (lanegunetan), 10:30etik 13:30era eta 15:00etatik 18:30era; larunbatetan, 10:30etik 14:00etara eta 16:00etatik 19:30era; igande eta jaiegunetan (astelehenak izan ezik) 10:30etik 14:00etara.

Burdinbidearen Euskal Museoak Europako tren bildumarik hoberenetariko bat dauka, mota askotako ibilgailuekin: lurrunezko, diesel eta elektriko tren makinak; automotoreak eta bagoi mota desberdinak.

Era berean, Euskadiko makina tresna multzorik osatuena eskaintzen du, Urolako Trenbidearen antzinako tailer mekanikoaren bidez. Horrez gain, XIX. mende bukaeratik trenbidean erabilitako uniformeen erakusketa bat eta munduko trenbide erlojuen bildumarik hoberenetarikoa ditu.

Halaber, aurtengo jardueren eskaintzan "Egun batez sugina" ekimena dago, hau da, Azpeitia eta Lasao artean dagoen lurrunezko zerbitzuaren tren makina baten kabinan bidaiatzeko aukera. Ekimen berezi honen prezioa 50 euro da, igandeetan egingo da eta egun bakoitzean bakarrik parte hartzaile bat onartuko da.

Temas