Diario Vasco

Ceciaga eta Sudupe garaile izan ziren Bermeon

Leire Ceciaga bere txapela jasotzen.
Leire Ceciaga bere txapela jasotzen. / DV
  • Sari gisa beraien pisua hegaluze-kontserba potetan jaso zuten

Larunbatean Bermeoko portuan izan zen IV. Salome Campos igerialdian oso emaitza onak lortu zituzten Izarraitz igeri elkartekoek. Elkarteko hamabi igerilari joan ziren bertara; Uxue Etxeberria, Ilazki Odriozola, Alazne Sudupe eta Maialen Sudupe infantilak, eta Cristina Alberdi, Xabier Aranburu, Juankar Arellano, Leire Ceciaga, Iñaki Etxeberria, Pablo Etxeberria, Edu Sudupe eta Rafa Zubeldia absolutuak. Bi mailetan, bai infantiletan zein masterretan lehen postuak eskuratu zituzten Izarraitzko igerilariak nesken kategorian. Maialen Suduperen kasuan 500 metrotako zeharkaldia egin zuen itsasoan eta 9 minutu eta 48 segundorekin lortu zuen podiumeko lehen postua. Leire Ceciagak 5000 metrotako igerialdia egin ondoren lortu zuen txapela 1:15:19 denborarekin. Aipatzekoa da, mutilen kasuan Ceciaga baino denbora gutxiago behar izan bazuten ere ez zuen lekurik lortu irabazleen hirukotean.

Ceciagak eta Sudupek sari gisa beraien pisua hegaluze-kontserba potetan jaso zuten.