1.000 herritar inguruk egin du bat igandeko giza katearekin

Hitzartuko kideek igandean parte hartzeko deia luzatu dute. /
Hitzartuko kideek igandean parte hartzeko deia luzatu dute.

Azken txanpa antolatzen ari dira eta autobusez gerturatzeko deia luzatu du Gure Esku Dagok

El Diario Vasco
EL DIARIO VASCO AZPEITIA.

Igandean egingo den erabakitze eskubidearen aldeko giza katean 32, 33, 34 eta 35 kilometroetan izango dira azpeitiarrak eta ingurukoak(Getaria eta Zumaia bitartean) eskua emanda. Gure Esku Dagok azaldu duenez, 1.000 herritar inguruk eman dute jada izena. Autobusez joatea gomendatzen da. Autobusak 09:30ean irtengo dira anbulatorio aurretik, eta bi planen artean hautatu daiteke: bata, giza kateko kilometrora joan eta giza katea amaitzean Azpeitira itzuli. Eta bestea, giza katea amaitu ostean Donostiara joatea, hiriburuetan ospatuko baitira jai nagusiak. Autobusean joateko ezinbestekoa da, lehenbailehen, izena ematea eta txartela erostea. Egun erdikoa zazpi euro ordaindu behar da, eta egun osokoa, aldiz, hamar euro. Kilometroen arabera antolatuko dira autobusak. Hala ere, autoz joaterik ere izango da eta aparkalekuak egokituko dituzte. 10:30erako bakoitza bere kilometroan egotea eskatzen da. Oraindik izena eman ez dutenek, izango dute horretarako aukera, Azoka Plazan izango baitira egunotan.

Herriko talde eta eragile ugarik egin dute bat giza katearekin. Honela, astearte iluntzean egindako udalbatzan Udalak bat egin zuen giza katearekin eta antolatutako ekintzetan parte hartzeko deial luzatu zuen. Gauza bera egin dute Ilunpe pilota elkarteak, sanjuandegiko auzotarrek eta herritar gehiagok ere. Herenegun, ekainaren 5ean, bi urte bete ziren Azpeitian Hitzartuk antolatutako herri-kon-tsulta egin zela. Urteurrenean, giza katean parte hartzeko deia luzatu zuten talde hura osatu zuten kideek.

Contenido Patrocinado

Fotos

Vídeos