Zubiaurre igeri elkarteko 25. urteurren festa bihar ospatuko da egunean zehar

Besteak beste, trikipoteoa, bazkaria, ur jolasak, talo tailerrak eta abar izango dituzte

J.S. AZKOITIA.

Zubiaurre igeri elkarteko 25. urteurren festa bihar ospatuko da. Egitaraua, igerilekuan hasiko da eta goizeko 10:30etatik 11:30etara, igerilari txikientzako jolasak egingo dira eta 11:30etatik 12:30era, master eta igerilari ohien arteko erronka jolasak.

Ondoren, 13:00etan trikipoteoa orbela tabernatik hasita eta 14:30ean bazkaria Joseba jatetxean. Arratsaldean; 16:00etan herriko umeentzat ur jolasak plazan, 18:30ean txikienentzat doako talo tailerra kontzejupean eta 18:30etik 20:30era talo salmenta herritar guztientzat.

Azkoitiar guztientzako

Igeri elkarteko kideak; Azkoitiar guztiak gonbidatzen dituzte beraiekin eguna ospatu eta gozatzera eta bide batez, eskerrak eman nahi dizkie festa hau posible egin duten guztiei.

Fotos

Vídeos