Xabier Munibe haurreskolako jolastokia estali du Udalak

Udal ordezkariak bisitan izan ziren lanak ikusteko eta zentroko arduradunekin batera aztertzeko.

Udalak 113.000 euro inbertitu ditu gunea bi estalperekin estaltzekoBestalde, ikasturterako bigarren matrikula epea zabalik dago eta ate irekien jardunaldia izango du gaur 18:00etan

JOAQUIN SUDUPE AZKOITIA.

Xabier Munibe haurreskolako umeek ez dute meteorologiaren gorabeheran ibili beharrik izango geletatik kanpora atera-tzeko. Gurasoak eta Haurreskolako arduradunak aspalditik ari ziren eskatzen jolastokia estaltzeko jolas-orduan haurrak kanpora atera zitezen egunero, eta ez euririk egiten ez duen egunetan bakarrik orain arte hala izaten baitzen.

Udalak 113.000 euro inbertitu ditu gunea estaltzeko eta aurreko legealditik zetorren eskaerari eran-tzuna eman dio. Zehazki bi estalpe dira, batak eraikinaren aurrealdea babesten du eta besteak, atzealdea. Estalpea egiteko egurrezko egitura bat jarri da eta gainean estaldura zeharrargia instalatu da. Lurrean zoladura ere berritu da.

Horretaz gain, lehenengo solairuan balkoia eta larrialdietako eskailera metalikoa dagoen eskailburua lotzen dituen pasagune bat eraiki da. Horrela, umeek eta bertako langileek ez dute barruko eskailera nagusia erabili beharko lehenengo solairuko alde bat ebakuatzeko, segurtasun handiagoa bermatuz.

Javier Zubizarreta alkatea eta Marijose Arregi Hezkuntza zinegotzia bisitan izan ziren joan den astean Haurreskolan lanak ikusteko eta zentroko arduradunekin batera aztertzeko. Udal ordezkariak Maria Uriarte Haurreskolako koordina-tzailearekin, koordinatzaile-ordea den Maribi Benitezekin eta guraso elkarteko kide eta bertako hezitzailea den Maria Blancorekin bildu ziren. Azken hauek pozik agertu dira esku-hartzearekin. «Egia esan gurasoak ere oso pozik daude eta guri sekulako jokoa ematen digu, zeren egon izan gara bi aste atera gabe eguraldiak laguntzen ez zuelako», diote. Eskaera berri bat ere egin diote Udalari. Alegia, atzealdeko zelaira sarbidea egokitzea berdeguneari probetxua ateratzeko.

Matrikula eta ate irekiak gaur

Azkoitiko Haurreskolan, 2017-2018 ikasturterako 2. matrikula epea hilaren 9a arte zabalik izango da. Haurra matrikulatzeko jaiota egotea beharrezkoa da eta haurreskolan hasteko gutxienez 16 aste izan behar ditu. Informazioa bertatik bertara jaso nahi duenak Ate Irekietara etor-tzeko aukera du, gaur arratsaldeko 18:00etatik aurrera. Matrikulako inprimakiak jasotzeko edota edozein informaziorako, Auzmendi bidean daude, edota 943 08 07 37 telefonoan.

Azkoitiko 'Xabier Munibe' haurreskola 8 gelaz osatuta dago eta 0-2 arteko haurrei zuzenduta dago. 0-1 urteko gela 8 haurrez osatua egoten da eta 1-2 urteko gela 13 haurrez. Bakoitzak 2 hezitzaileren laguntza izaten du. Haurreskola goizeko 7:30etik 17:00ak arte zabalik egoten da.

Fotos

Vídeos