7 Kurutze, lagun arteko mendi martxa ederra

Oletako kurutzean, 7 Kurutze mendi martxako azkena. /  IBON
Oletako kurutzean, 7 Kurutze mendi martxako azkena. / IBON

Azkeneko 46 urteetan bezala, goizeko 04:00etan abiatu ziren mendizaleak | 300 partaideek giro bikainean gozatu zuten mendizaletasunaren festaz igandean

JOAQUIN SUDUPE AZKOITIA.

Azkeneko 46 urtetan egin den bezala, goizeko lauretan Azkoitiko enparantzatik abiatuta hazi zen Zazpi Kurutze mendi martxa. Bi urtean behin, Anaitasuna Mendi Bazkunak antolatzen duen martxak 300 partaide baino gehiago izan zituen eta eguraldi eta giro bikainean disfrutatu ahal izan zuten mendizaletasunaren festaz.

55 kilometroko ibilbidean, jarritako kontroletatik pasatu eta araututako gutxieneko denborak bete behar ziren eta horrela egin zuten gehienek.

«Gazte jendea eta bikoteen parte hartzeak gora egin duela nabarmendu dugu, jendea ondo prestatu etortzen dela ere agerikoa da. Mendi buelta luzea eta lasaia, polita eta erakargarriaz gozatzera etortzen da jendea. Giro ederrarekin gozatu, hornidura guneetan indarrak berreskuratu eta beste partehartzaileekin hitz egin , txantxetan pixka bat aritu eta berriz ere martxarekin jarraitu. Horrela dirau du martxa honek hainbeste urteetan eta horrela jarraituko du etorkizunean. Ez da lasterketa, lagun arteko mendi martxa ederra baizik», adierazi dute Anaitasuna Mendi Bazkunak.

Boluntario lanetan aritu diren guztien laguntza eskertu dute. « Borondatezko lan hori gabe ez zen egongo horrelako mendi festarik», gaineratuz.

Contenido Patrocinado

Fotos

Vídeos