Gaurko derbira gorriz jantzita etortzeko eskatu die Anaitasunak jarraitzaileei

Atzo goizean, langileak azken ukituak burutzen ari ziren. / UDALA
Atzo goizean, langileak azken ukituak burutzen ari ziren. / UDALA

Anaitasuna eta Lagun Onakeko mutilek 17:00etan dute hitzordua itxura berritutako zelaian. Estalpe berriak jarri dira markagailu inguruan eta sarreran

JOAQUIN SUDUPE AZKOITIA.

Txerloiko futbol zelaian dena prest dago gaur derbia jokatzeko. Anaitasunako eta Lagun Onakeko mutilek 17:00etan dute itxura berritutako zelaian arratsaldeko hitzordua.

Gorrixak egoera kaxkarrean dabiltza jaitsierako postuetan eta gaurko partidarako, klubak eta jokalariek Txerloira gorriz jantzita etortzeko eskatu diete jarraitzaileei. Gaur leihatila 11:00etatik 12:00etara egongo da goizean irekita eta arratsaldean ohi baino lehenago irekiko da; 16:15ean. Sarreren prezioa 15 eurokoa izango da baina Anaitasunako bazkide denak, ez du aparteko ordainketarik egin beharko.

Horrela ba, gaur jokatuko diren partidu guztiak ondorengoak dira: 3.mailan: Anai- Lagun Onak, Txerloia, 17:00. Senior neskak: Eibar- Anai, Unbe, 17:30. Ohorezko jubeni: Elgoibar Anai, Mintxeta, 12:00. Ohorezko kadete: Anai -Elgoibar, San Juan, 12:15. 1go kadete: Anai -Zestoa, San Juan, 15:00. Infantil txiki: Lagun onak- Anai, Garmendipe, 12:15.

Estalpea eraiki da

Duela egun gutxi berritu du Udalak tribuna eta aste honetan falta ziren beste bi esku-hartze gauzatu dira. Batetik, markagailu inguruan estalpea eraiki da jarraitzaileek erosotasun gehiagorekin goza dezaten partiduez eta bestetik, sarreran estalitako toki bat eraiki da leihatila modura erabiliko dutena sarrerentzat eta errifak saltzeko. Atzo goizean, langileak azken ukituak burutzen ari ziren.

Contenido Patrocinado

Fotos

Vídeos