Brontzea Jone Zabaletak Espainiako 23 urtez azpiko 3.000 metrotan

Jone Espainiako proban lortutako brontzezko dominarekin./
Jone Espainiako proban lortutako brontzezko dominarekin.

AZKOITIA.

Aurtengo pista estaliko denboraldia ezin hobeto amaitu du Jone Zabaleta azkoitiar korrikalari gazteak. Espainiako 23 urtez azpiko 3.000 metrotako proban parte hartu eta brontzezko domina lortu du bertan. Azken urteotan Nazioarteko mailan dabiltzan Paula Gonzalez eta Idaira Prieto izan ziren bere aurretik sartu ziren biak.

Denboraldi borobila egiten ari da eta pista estaliarekin amaitzeko azken zita Valentzian izango du larunbatean Espainiako txapelketa absolutuan. Nahiz eta gutxieneko denbora izan 1500 eta 3000 metrotan parte hartu ahal izateko, 1500 metrotan bere aurtengo denbora hobetzen saiatuko da.

Hau izango da pista estaliko azken saioa eta honen ondoren, pista irekiko denboraldiari emango dio hasiera. Ea pista estalian lortutako emaitza bikainak errepikatzeko kapaza den.

Berak beti aipatzen duen bezala, guzti hau bere entrenatzaile Pedro Muñoz gabe ez luke amestu ere egingo.

Contenido Patrocinado

Fotos

Vídeos