Anaitasunak bosgarren porrota jaso zuen jarraian Balmasedaren aurka

Taldeak ezin izan zuen Balmasedatik ezer ekarri asteburuan. / ANAI
Taldeak ezin izan zuen Balmasedatik ezer ekarri asteburuan. / ANAI

DV AZKOITIA.

Anaitasunak ezin izan zuen Balmasedatik ezer ekarri asteburuan. Zati bakoitzaren hasieran jasotako gol goiztiarrak iraulezinak bihurtu ziren jokamolde berriarekin aritu zen taldearentzat. Aukera gutxiko neurketa izan zen, baina borroka eta lehia askokoa. Azken minutuetan puntua urratzen saiatu ziren gorrixek, baina ez zuten gol aukera egiteko zirrikiturik aurkitu. Bosgarren porrota jaso du jarraian taldeak.

Larunbatean talde historiko baten bisita izango du Txerloian. Sestao Riverren aurka bolada txar honi amaiera ematen saiatuko dira mutilak.

'Argazkia Gorrixekin'

Zapatuan, Sestao River taldearen aurkako partidan, 'Argazkia Gorrixekin' ekimena errepikatuko du klubak. 3 eta 12 urte bitartekoek Hirugarren Mailako jokalariei eskua emanda zelaira irteteko aukera dute. Sestao Riverren aurkako partida, zapatuan, 17:00etan izango da. Partida horretarako izena emateko epea irekita dago jada e-mail bat argazkiagorrixekin@gmail.com helbidera ostiral arratsaldeko 15:00ak baino lehen, haurraren izena, bi abizenak, eta adina idatziz. Izena emandako neska-mutil guztien artean zozketa egingo da, eta izena emateko epea itxi bezain laster jakinaraziko ditu klubak zein hamaika umek izango duten argazkia ateratzeko aukera. Partida amaituta, klubak helbide elektroniko horietara bidaliko ditu argazki guztiak, doan. Beharrezkoa izango da Anaitasunako kamiseta gorria jantzita izatea.

Fotos

Vídeos