Abian da Bizenta Mogel Ipuin Lehiaketaren XXXVI. edizioa

Iazko saridunak, Rekondo azkoitiarra, Legarra eta Plaza. / SUDUPE

Partaideek lanak aurkezteko urriaren 31 arteko epea dute

J.S. AZKOITIA.

Abian da Azkoitiko Kultur Elkarteak, Udalarekin elkarlanean, antolatu ohi duen Bizenta Mogel Ipuin Lehiaketa. Aurtengoa XXXVI. edizioa izango da eta partaideek lanak aurkezteko urriaren 31 arteko epea dute.

Hauek dira lehiaketan parte har-tzeko oinarriak: 18 urtetik gorakoentzat da eta euskaraz idatzitako ipuinak izango dira, gutxienez lau eta gehienez hamar orrikoak, orriaren alde batetik bakarrik eta tarte bikoitzez idatzita aurkeztuko dira.

Lanak originalak

Lanak originalak eta inon argitaratu edota saritu gabekoak izan beharko dira eta udaletxera bidali beharko dira goitizenarekin izenpetuta, eta horrekin batera, goitizen berdina daraman itxitako kartazalean egilearen datu pertsonalak zehaztuko dira. Ondorengo helbidera bidaliko dira lanak: Azkoitiko Udala, Herriko Enparantza z/g. 20720 Azkoitia. Kontuan izan behar da bidalketa egiteko azken eguna urriaren 31 izango dela eta epaimahaiak azaroaren 29an hartuko duela erabakia.

Aurtengo lehenengo saria 600 eurokoa izango da, bigarrena 400 eurokoa eta hirugarrena, 300 eurokoa. Hiru saridunek oroigarri bana ere jasoko dute.

Fotos

Vídeos