2017-18 denboraldiko kromo bilduma salgai jarri du Anaitasunak

Juaristi enpresan aurkeztu zuten 17-18 denboraldiko kromo-bilduma./
Juaristi enpresan aurkeztu zuten 17-18 denboraldiko kromo-bilduma.

Juaristi enpresan aurkeztu zuten salgai dauden album-kromoak

AZKOITIA.

Anaitasunak aurkeztu du 2017-18 denboraldiko kromo-bilduma. Juaristi enpresan aurkeztu zuten Pedro Urdapilleta Anaitasunako presidenteak, Asier Gogorza Juaristi enpresako gerenteak, Eneko Ibarretxe Kromobileko arduradunak eta Unai Aranbarri eta Maider Badiola Anaitasunako lehen taldeetako kapitainek.

Banaketa egin da jada, eta salgai daude albumak eta kromoak Nam-ñam goxoki dendan, Lujan paper-dendan, Uhaitz kafetegian eta Txerloiako eta San Juango tabernetan. 5 euroren truke, albuma eta bi gutun-azal lortzeko aukera egongo da. Gutun-azal bakoitzak euro bat balioko du, eta bakoitzean zazpi kromo etorriko dira. Kromo horien artean ezusteko kromoak ere izango dira, tartean-tartean. Baliteke jokalaririk ez agertzea, baina norberaren irudia jartzeko aukera emango duen katilua, puzzlea, posterra, eskuoihala, kamiseta edota bost gutun-azal gehiago lortzea posible izango da ezusteko kromoei esker. Kasu horietan, nahikoa izango da kromoa klubari erakustea. Horrez gain, albuma guztiz osatzeko asmoa dutenek, 2018ko apirilaren 1etik aurrera falta zaizkion kromoak eskatzeko aukera egongo da. Kromobilek, Play Station 4 bideo kontsola bat zozkatuko du 2017-2018 denboraldian landu dituen album guztien artean. Anaitasunako albuma osatzen duena, beraz, PS4 kontsola bat eskura-tzeko zozketan sartuko da.

Contenido Patrocinado

Fotos

Vídeos