Langile eta langabetuei zuzenduriko doako ikastaroak Urola Ikastolan

Profesionaltasun-ziurtagiria dokumentu ofizial bat da, enpleguari begira esanguratsua den lan-jarduera bat garatzeko pertsona batek dituen lanbide-gaitasunak egiazta-tzen dituena. Lan-administrazioak ematen du, eta lan-merkatuan lanbide baterako behar den prestakuntza ezartzen du. www.lanbide.net orrian kontsulta daiteke.

Hobetuzen (langileen prestakun-tzarako euskal fundazioa) bitartez arratsalde/gaueko ikastaroak ematen dira, 30 ordutik 90era bitartekoak. Hirutik laura ordu egunean (17:00-21:00), astelehenetik ostegunera. Langabetuek ere egin di-tzakete ikastaro hauek.

Honetaz gain, gai berezi batzuei buruzko ikastaro espezializatuak ere ematen dituzte. Baita ere, enpresei beharrei zehazki edo 'a la carta' diseinatutakoak.

Eskaintzen diren ikastaroak ondorengoak dira. Mekanika arloan; marrazketa, tailer konbentzionala, zenbaki Kontrola, soldadura, Autocad eta abar.

Administraritza-Informatika arloan, zerga kudeaketa, Windows, Word, Excel, Access eta abar. Altzarigintzan berriz, zurezko egituren instalazioa, besteak beste.

Ikastolatik adierazi dutenez «ikaslegoa oso zabala da, ikasketa berezirik gabe zerbaitetan gai izatera iritsi nahi dutenetik ikasketa maila desberdinak dituztenera, erdi eta goi mailako teknikariak, diplomatuak, lizentziatuak, birziklatzea nahi dutenak eta abar».

Informazioa lortu ahal izateko, Urola Ikastola Azkoitia, 943851408 telefonoan, ez-arautua@gmail.com helbidean edo eta www.urola.org webgunean.