Diario Vasco

Egun osoko egitarau zabala atondu da San Andres festa eguna ospatzeko

Jon Unanue Goenatxo III. ahaleginean erabiliko dituen harriekin.
Jon Unanue Goenatxo III. ahaleginean erabiliko dituen harriekin.
  • Eguerdiko herri kirol jaialdian, Goenatxo III. harrijasotzaile gaztea bi marka egiten ahaleginduko da

Gaur San Andres eguna da eta egitarau zabala atondu da eguna ospatzeko. Egun osoan zehar, Herriko plazako arkupetan taloak, txistorra... egongo dira salgai. Goizeko 9:30ean; herriko dultzainero eta trikitilarien kalejiraren txanda izango da eta 10:00etan, Txuri Urdin elkarteak antolaturik, Marrazki eta Buztin Modela lehiaketari hasera emango zaio. 11:00etan, herriko Trikitilari Gazteen kalejira, 11:30ean Txalkor Txistulari taldearen kalejira eta eguerdiko 12:00etan, udaletxeko Areto Nagusian, Txalkor txistulari taldeari eskertze ekitaldia egingo da, 25 urte daramatzatelako Udaleko txistulari ofizial izaten.

Marka ahalegina

Ondoren, 12:30ean, plazan, Herri Kirol Jaialdia. Arituko diren aizkolariak, Mikel Larrañaga eta Joseba Otaegi izango dira eta harrijaso-tzaileak, Martin Mendizabal, Xabier Lizarralde eta Goenatxo III.

Jon Unanue Goenatxo III. harrijasotzaile gaztea bi marka egiten ahaleginduko da, hau da, 175 kiloko harri kubikoarekin eta 213 kiloko errektangularrarekin hiruna minutuko jasotze saiakerak. Ahaleginak, Euskadiko Federazioaren ardurapean izango dira.

16:30ean, plazan, Marrazki eta Buztin Modela lehiaketako sari banaketa egingo da eta 17:00etan, Kontzejupean, Azkoitiko Oteiza Pilota taldeak antolatuta, Kontzejupe Sariaren azken partiduak

17:30ean, Batukada Feminista eta 22:00etan, Gurea pilotalekuan, San Andres Idi Dema sariaren lehen saioa. Txokolate, Illarreta, eta Alegria uztarriak arituko dira lehian.

Recibe nuestras newsletters en tu email

Apúntate