Diario Vasco

Anaitasuna berriz ere bide onean da Hondarribiari lau gol egin ondoren

I. Arzallus, M. Arzallus, Ander eta Pastrain izan ziren golegileak.
I. Arzallus, M. Arzallus, Ander eta Pastrain izan ziren golegileak. / MAIALEN
  • Neurketa erabakitzea zerbait kostatu zitzaion arren, ez zuen arazorik izan Hondarribia mendean hartzeko

Bi neurketa garaipenik lortu gabe egon ondoren, Anaitasuna berriz ere bide onean da. Larunbatean Hondarribiari lau gol egin zizkion, eta azken bi asteetan golarekin zuen lehortea ere atzean uztea lortu zuen honenbestez. Nagusi izan zen taldea, baina lehen zatian ez zuen lortu neurketa bideratzea, eta bigarrenaren hasieran asko sufritu zuen Igor Quindosen taldeak.

Ondo irten zen taldea berdegunera, baina neurketa motel hasi zen eta ondorioz aukerak egitea gehiago kostatu zitzaien gureei. Aurkariak zituen hutsuneak ikusita, eskuin hegaletik min egiten hasi zen Anaitasuna, eta hegal horretatik bertatik iritsi zen Anaitasunaren lehen gola. Mutilek ez zuten aukera garbirik egin golaren ostean, baina Hondarribia ez zen bere zelaitik kanpo askotan ikusi, eta ez ziren gureak estuasunetan jartzeko gai izan.

Mondragonen aurka etxean

Datorren asteburuan ere Txerloian jokatuko dute gorriek, eta aurkari arriskutsu bat izango dute. Azken bi jardunaldiak jarraian galduta iritsiko da Mondragon herrira, baina sailkapeneko laugarren postuan dira Anaitasuna baino bi puntu gutxiagorekin.

Recibe nuestras newsletters en tu email

Apúntate