Diario Vasco

Iaz baino bi puntu gehiagorekin da Anaitasuna

Irundik puntu batekin bueltatu ziren etxera Anaitasunakoak.
Irundik puntu batekin bueltatu ziren etxera Anaitasunakoak. / MAIALEN
  • Irunen berdinketa eskuratu ostean, orain etxean bi neurketa izango ditu jarraian

Neurketa zuzena ikusi zen joan den igandean Gal zelaian Anaitasuna eta Irunen artean. Euri asko egin zuen neurketa hasi aurretik eta zelaiaren egoerak ez zuen uzten baloia behetik jokatzen.

Bi taldeek joku zuzena egin zuten, atzelarien bizkarra aurkitu nahian. Hala ere, atsedenaldiaren ostean zelaia asko hobetu zen, eta Anaitasunak baloia hartu zuen Real Unionek bost atzelarirekin jokatzeko erabakia hartu eta gero. Gorriak, etxekoek baino gehiago iritsi ziren aurkariaren atera, baina ez zuten atea zulatzerik lortu puntu banaketarekin bukatu zelarik partidua (0-0).

Neurketara bi taldeak gogotsu zelairatu ziren, bai baitzekiten gola lehena egitea lortzen zuenak asko irabazita izango zuela. Minutuek aurrea egin ahala, joan-etorriko neurketa bihurtu zen Irungoa. Bi taldeetako inor ez zen argitasunez iristen aurkariaren area ingurura, baina erritmo handiz jokatu zuten bi taldeek.

Partidaren egoera horrek lan eta esfortzu handia eskatu zien bi taldeei defentsa lanetan elkartzerakoan. Ondo bete zuten, aldageletarako bidea markagailua hutsean zela hartu baitzuten bi taldeek.

Bigarren zatian, Real Unionek baloia eman zion Anaitasunari, eta zelaiaren egoerak hobera egin zuela ikusita, atzetik baloia ateratzeko moduan izan zen Igor Quindosen taldea. Zelai erdian kokatu ziren bigarren zatiaren lehen minututik irundarrak, eta hortik aurrera egiten zuten presioaren ondorioz Anaitasunak ez zuen jokoa asko lantzerik izan.

Hutsean amaitu zen

Inolako ezustekorik gabe, hutsean amaitu zen Irungo neurketa. Bigarren zatian puntu bat baino gehiago lortzeko lana egin zuen Anaitasunak, baina atzean sendo egon zen Real Union hausterik ez zuen lortu Quindosen taldeak. Pasa den urtean baino bi puntu gehiagorekin da Anaitasuna orain. 19 punturekin sailkapeneko laugarren postuan dira . Iaz 9. jardunaldiaren amaieran 17 puntu zituzten gureek, eta hirugarren postuan zen Anaitasuna.

Orain etxean bi neurketa izango ditu jarraian Anaitasunak. Lehena Hondarribiaren aurka, eta bigarrena Mondragonen aurka. Bi neurketa horietan lortzen diren puntuek asko esan nahiko dute etorkizunera begira. Larunbatean Hondarribia aurkari Txerloian, 16:30ean.

Recibe nuestras newsletters en tu email

Apúntate