Diario Vasco

Hizkuntz Eskola Ofizialaren gelak direla eta EH Bilduren kexkak

Azkoitian (Gaztaneneako eraikinean), Hizkuntz Eskola Ofizialaren gela desplazatuak ireki berri dira. Honen aurrean EHBilduk gauzak egin diren moduari buruzko hainbat kezka azaldu ditu. «Duela gutxi arte Musika Eskola Gaztanenean aurkitzen zen; aurreko legealdian zeuden ordezkari guztiek (tartean EAJkoek) eraikina baldintza kaskarrean aurkitzen zela bat egiten zuten. Beste arazo batzuen artean, irisgarritasun (accesibilidad) arazoak handiak zirela onartzen zen. Legeak agintzen zuen baldintzatan jartzeak izugarrizko inbertsioa eskatzen zuen eta talde guztiak ados jarri ondoren Musika Eskola, Elkargunera eramatea erabaki zen. Orain aldaketa haundirik egin gabe Hizkuntz Eskolaren gela desplazatuak ireki dituzte bertan. Gu, ez gaude gela hauek irekitzearen aurka baina, gauzak gardentasunez eta ondo egin behar dira eta hau, berriro ere, gure ustez, ez da kasua. Irisgarritasuna bermatzeko ez dute zentimorik inbertitu. Oposizioan gauden taldeei, hau bermatzen duela adierazten duen txostenik ez digute eman eta ez dakigu honen inguruan zerbait egiteko asmorik duten edo ez. Dudak ditugu irisgarritasunak legea betetzen duenik; zain gaude udal gobernutik hau frogatzen duen txostena jasotzeko. Kezkagarria da gelak martxan jartzea legeak eskatzen dituen baldintza minimoak bete gabe. Bestalde penagarria iruditzen zaigu, gelak irekiko zirela publiko egitea hauteskundeak izateko lau egun falta zirenean. Modu triunfalista batetan agertu ziren medioetan udal gobernuko ordezkariak, kanpaina erdian, gestore onaren itxura. Guretzat, kanpaina garaian medioetan horrelako notiziak emanaz azaltzea etikoki salagarria da, eta seguraski legala ere ez da izango».

Recibe nuestras newsletters en tu email

Apúntate