Diario Vasco

Festetan euriak zapuztu zuen emanaldia

Herriko enparantzan, ikusle asko batu zuen emanaldian, Zubi Berri klubeko maila ezberdinetako neskak aritu ziren.
Herriko enparantzan, ikusle asko batu zuen emanaldian, Zubi Berri klubeko maila ezberdinetako neskak aritu ziren.

Abuztuko Andramaixetako egitarauko gauza bakar bat gelditu zen ospatu gabe. Abuztuaren 15eko iluntzean eginiko euri jasaren ondorioz, gimnasia erritmikokoek eskaini behar zuten erakusketa bertan behera geratu zen. Alabaina, Azkoitiko gimnasia erritmikoko taldeak, Zubi Berrik hain zuzen ere, atzo arratsaldean eskaini zuen Andramaixetan bertan behera gelditutako emanaldia.

Neskek bazuten gogoa prestaturiko koreografiak jendaurren erakusteko eta emanaldi ederra burutu zuten atzokoan. Kolorez, dirdiraz eta musikaz hornituriko goi mailako dantza eta gimnasia saio ederrak eskaini zituzten. Eibarko Ipurua Klubeko talde batek ere parte hartu zuen emanaldian

Bide batez, ikusleei eta bereziki Udalaren laguntza eskertu nahi izan zuten gimnasia taldekoek.

Gogorazi, joan den astelehenean egin zutela kurtso berriaren aurkezpena eta datorren astelehenean, hilak 12an, hasiko direla klaseak. Astelehen, asteazken eta ostiralean 17:15etik 18:00etara bitartean izango dira 2009, 2010 eta 2011 urteetan jaiotakoentzat eta 18:00etatik aurrera, berriz, ostentzekoentzat.