Diario Vasco

'Erauso' pastoralean parte hartzen ari da Sahatsa

Joan zen larunbatean 'Katalina de Erauso' pastorala Victoria Eugenian taularatu zenean.
Joan zen larunbatean 'Katalina de Erauso' pastorala Victoria Eugenian taularatu zenean. / SAHATSA
  • Hari amaiera ematen dio Gipuzkoako ezpata dantzarekin

Joan zen larunbatean taularatu zen 'Katalina de Erauso' pastorala Donostiako Victoria Eugenian. Antzokia bete egin zen XVI. gizaldiko emakume honen, historia entzun eta ikusteko.

Sahatsak pastoralari amaiera emanez, solemnitatezko Gipuzkoako ezpata dantzarekin bertan parte hartzen du. Lau lerrotako ezpata dantzariek eserlekuen patioa zeharkatu eta lehenengo zubia egin ondoren, ezpata dantza eskaini zuten Katalinaren ohoretan. Borobileko korrikaldiaren ondoren, bigarren zubia egin zuen Sahatsak, Katalina bere azpitik igaro eta pertsonaiaren desagertze irudia emateko.

Sahatsaren emanaldi ezin hobeak, Vitoria Eugenia antzokia guztiz bete zuen ikus entzulearen txalo zaparrada zaratatsuak.

Pastorala guztiz bukatzean, gainezka zegoen antzokiko ikus entzuleak zutik ipini eta ikaragarrizko txaloaldi luzea eskaini zien pastoraleko partaide guztiei eta antzokia utzi baino lehenago, Agur Zuberoa ezaguna abestu zen bertaratutako guztiekin batera.

«Zirraragarria Sahatsakoek bertan bizi izan genuena» adierazi dute dantza taldeko partaideak.

Baionan sortutako Katalina de Erauso pastoral hau, Lapurtar eta Zuberotar jendez osatua izan da. Euskadi-Akitania Euro eskualdeko kultura egitasmo batean txertatua, Sahatsa izan delarik hegoaldeko ordezkaria.

Estrainekoz, ekainaren 3an 3000 ikus entzuleren aurrean, Baionan eman zen pastorala. Hurrengo saioa, datorren larunbatean irailaren 10ean, Donibane Garazin emango da.