Azken sarrerak ostiraleko Vegetal Jam taldearen kontzerturako

Taldeak musika folk instrumentala egiten du

DV ORIO.

Oraindik sarrerak geratzen dira ostiralean Vegetal Jam talde zaragozarrak kultur etxean eskainiko duen kontzerturako. Kontzertua gaueko 22:30ean hasiko da, eta sarrera doan bada ere, gonbita hartu behar da aldez aurretik, aretoaren aforoa mugatua delako. Udalak 100 gonbita prestatu ditu eta emanaldira joan nahi dutenek, hobe dute garaiz eskuratu kultur etxetik pasaka beren gonbita, gabe ez geratzeko.

Vegetal Jam ('marmelada vegetala', euskaraz) musika folk instrumentala egiten duen bikote bat da, Zaragozakoa. David Aznar eskusoinu-jotzaileak eta Miguel Guallar biolin eta txelo-jotzaileak osatzen dute. Aragoiko eta Europa osoko folklorean oinarritutako musika egiten dute, beraiek konposatutako kantekin batera. Dantzarako musikak toki berezia du beren errepertorioan.

Hiru disko kaleratu dituzte orain arte:'Danza del Bosque Encantado' (2012);'Valnerols' (2014)eta 'El alma en la lluvia' (2017). Kontzertuan hiru diskoetako kantak joko dituzte eta, bereziki, aurten kaleratu duten lanekoak.

Fotos

Vídeos