Azaroa Musikaz Blai ekimena Udal Bandarekin hasiko da

Ondorengo asteetan musika protagonista izango da Getarian. Musikaz Blai 17 ekimenaren barne emanaldi ezberdinak antolatu dira eta lehenengoa bihar izango da Udal Bandarekin.

Goizeko 9:30ean Dianarekin esnatuko dituzte herritarrak eta eguerdiko 12:30ean kontzertua emango dute Salbatore Deunaren parrokian, Eneritz Jauregi zuzendari dutela. Azaroak 22an kalejira egingo da Xixili Deuna ospatuz Musika Eskolako ikasleekin eta amaieran txokolatada. Azaroak 26an Getariako Abesbatzaren kontzertua helduko da, 12:30ean Salbatore elizan Nice M. Cresporen zuzendaritzapean eta amaitzeko abenduan 3an Gazte Alaiak txistularien emanaldia.