Arnaldo Otegik irekiko ditu Eskubide Sozialen Kartak prestatutako jardunaldiak

DV GETARIA.

Getariako Eskubide Sozialen Kartak jardunaldi batzuk antolatu ditu urria eta azaroan zehar. '1917ko Errusiako iraultza' izenburupean sei solasaldi prestatu dituzte eta lehenengoan Arnaldo Otegi izango da Iturzaeta Herri Eskolako aretoan. Kartako kideen esanetan, «urteurren bat baino gehiago betetzen da aurtengoan eta hitzaldi interesgarriak antolatu ditugu gai honen inguruan». Ekitaldiak iragartzen dituen kartelean John Bergerrek esandako esaldi hau sartu dute, «gaur egungo pobrezia beste ezein pobreziarekin alderaezina da. Ez da, inoiz izan zen bezala, eskasiaren berezko ondorio bat, aitzitik, aberatsek gainerakoei inposatutako lehentasun multzo baten ondorioa da».

Aurreratu bezala, lehenengoan Arnaldo Otegi egongo da Iturzaeta Herri Eskolan urriaren 19an 19:00etan. Berak jorratuko duen gaia 'XXI. Mendeko Iraultzak bultzatuz' izango da. Ondorengo bost saioak Ulpiano Etxean burutuko dira. Urriak 25ean (19:00) Marcos Roitman arituko da 'Influencia de la Revolución Rusa en Latinoamérica' gaiaren inguruan. Azaroan sartuta, 8an (19:00), Josefina L. Martinez etorriko da eta bere solasaldiaren gaia 'Las mujeres y la Revolución Rusa: revolucionar el mundo, trasformar la vida'. Iñaki Gil de San Vicente etorriko da azaroaren 9an 'La Revolución Bolchevique y la liberación de las naciones oprimidas' gaiaz hitz egiteko eta azken bi saioak Xabier Arrizabalo izango dute protagonista, azaroak 24 eta 25ean, solasaldi eta mintegi batekin.

Fotos

Vídeos