Arano eta Agerre Berri baserrietako herri-bideak amaitu ditu Udalak

Herri-bideak. Konpontzen jarraitzen du Udalak. /  AMAXKAR
Herri-bideak. Konpontzen jarraitzen du Udalak. / AMAXKAR

JUAN MARI ZUBIAURRE GETARIA.

Udalak, urteroko moduan 'Guztiok 1!' Aurrekontu Parte-hartzaileen prozesuaren barruan, bilera erronda egiten du herriko auzo ezberdinetako biztanleekin. Bilera hauen ondorioz, hainbat proposamen eta eskaera luzatzen dituzte auzotarrak euren ingurua hobetzeko asmoarekin. Hainbesteren artetik, herri-bideak berritzeko beharra sarritan helarazten zaio Udalari.

Auzotarrek eginiko eskaera hori kontuan hartuta, eta orokorrean zenbait herri-bideen egoera kaskarraz jabetuta, Udalak urtero diru partida zehatzak bideratzen du hauek berritzeko. Horrela pixkanaka eta urtez urte, herri-bideen berrikun-tzari ekiten dio Udalak.

Arano eta Agerre Berri

Aurten Arano baserriko eta Agerre Berri baserriko herri-bideen txanda izan da. Urria hasieran ekin zitzaien lanei eta dagoeneko bukatuta daude. Aurrekontuari dagokionez honako kostua izan dute lanek, Arano baserrikoa 60.000 eurokoa izan da eta Agerre Berrikoa, berriz, 22.500 eurokoa. Aipagarria da Arano Baserriko bidean eskoilera berria egin beharra izan dela, bideari egonkortasuna emateko. Hasierako aurrekontuan 18.000 euroko igoera eragin du lan berri honek. Beraz bi herri-bide hauen berritze lan hauek guztira 82.500 euroko kostua izan dute.«Esan daiteke gaur egun, Getariako herri-bideen %90 berrituta eta egoera onean dagoela. Azken bi herri-bideen konponketaren emai-tzaren gustura gelditu gara eta aurrerantzean ere herri-bideen konponketekin jarraitzea da Udalaren asmoa» adierazi dute udal ordezkariek behin lanak amaitu dituztenean.

Guztiok 1! ekimena

2018ko aurrekontuak prestatzeko Guztiok 1! egitasmoaren barne herritarrak lau modu ezberdin izan dituzte euren proposamenak egiteko. Alde batetik, etxe guztietara proposamenak jasotzeko fitxa banatu da gero udaletxeko postontzian botatzeko. Bigarren aukera posta elektroniko bidez egitea izan da. Hirugarren aukera bilera irekiak izan dira, denera bost egin dituzte herritarrekin eta azken bidea online inprimakia betetzea izan da.

Bide ezberdin hauen bitartez jasotako proposamenak datorren urteko aurrekontuetan sartuko dira ahal den neurrian.

Contenido Patrocinado

Fotos

Vídeos