Abenduaren 9an bedeinkatuko dira 2007. urtetik irabazitako banderak

Kontxakoa bandera, aurten lortutako azkenekoa eta preziatuena. /  ETXEBERRIA
Kontxakoa bandera, aurten lortutako azkenekoa eta preziatuena. / ETXEBERRIA

Guztira 160 bandera bedeinkatuko dira, horien artean aurten lortutako 17ak

DV ORIO.

Tradizioari jarraituz, Orioko taldeak Kontxako estropada edota Espainiako txapelketa irabazten duen urtean banderen bedeinkazioa egiten da. Orioko traineruak 2007an irabazi zuen azkenekoz Kontxako estropada eta, aurten berriz irabazi duenez, 2007tik hona Orioko Arraun Elkarteak irabazi dituen bandera guztiak bedeinkatuko dira abenduaren 9an: guztira, 160 bandera dira, horien artean aurtengo 17ak (6, bateletan eta 11, trainerutan).

Meza eta bazkaria

Banderak bedeinkatzeko meza 13:00etan izango da eta, ondoren, 14:30ean, herri-bazkaria egingo da Karela kiroldegiko pistan. Bazkariaz gain, musika ere izango da kiroldegian. Horrez gain, Strapalucio txaranga ibiliko da kalez kale egun osoan.

Txartelak gaur bertan jarriko dira salgai Turismo bulegoan. Txartela erosteko azken eguna azaroaren 30a izango da, datorren asteko osteguna. Bi txartel mota daude: haurrenak 15 euro balio du eta helduenak, berriz, 35 euro.

Haurren menua ondorengoa izango da: makarroiak tomatearekin, albondigak eta izozkia. Helduen menua, berriz, hau da: ganba-entsalada, piper beteak, txekor-masailak eta ijito-besoa izozkiarekin.

Contenido Patrocinado

Fotos

Vídeos