Diario Vasco

Ekainaren 26tik uztailaren 8a arte antzerkia nagusi izango da Zestoan sei obra ezberdinekin

Aurten, Zestoako an-tzerki astea hamabostaldi bihurtuko da. Horrela, ekainaren 26tik uztailaren 8ra bitartean sei an-tzezlan ezberdinez gozatu ahal izango dute herritarrek.

Beti bezala urte osoan eginiko lanaren emaitza eskainiko digute aurten aktore lanetan ibiliko diren 35 lagunek. Ekainak 26 eta 27an, hasiko da aipaturiko Antzerki astea bigarren mailako ikasleekin. Hauek Federiko Garcia Lorcaren 'La casa de Bernarda Alba' ezagunaren moldaketa bat eskainiko digute, 'Amaren etxea'.

Segidan, ekainak 28, 29 eta 30ean Amancay Gaztañagak ida-tziriko antzezlanarekin jarraituko dugu: 'Hysteria'. Komedia gazi-gozo honetan histeria femeninoa delako gaitz ezagunaren nondik norakoak bizi ahal izango ditugu.

Uztailak 1ean, haurren an-tzerkia izango dugu lehenengo aldiz 'Jo aurretik' antzezlanarekin, Mikel Ibargurenen gidaritzapean. Uztailaren 2, 3 eta 4an 'Kruzadak' lana izango dugu ikusgai, eta segidan, uztailak 5, 6 eta 7an komedia zoragarri bat ikusteko aukera izango da, 'Hamlet gorroto dut' izenekoa.

Azkenik, uztailaren 8an, Artedramak ekoiztutako 'Hozkailua' izango dugu Zestoan, Huts Teatroaren eskutik.

Sarrerak Mairi dendan (estankoan) egongo dira salgai. Aurten bonu berezi bat atera da an-tzezlan guztiez gozatu nahi duenarentzat. Horrez gain banaka ere erosi ahal izango dira, urtero bezala.

Recibe nuestras newsletters en tu email

Apúntate