Diario Vasco

Uda Ikastaroa Balenciaga Museoaren eskutik 'Modako ekintzailetza gaur' izenburupean

Donostian. 100 urte bere lehen denda irki zuela Balenciagak.
Donostian. 100 urte bere lehen denda irki zuela Balenciagak.

Euskal Herriko Unibertsitatearen programaren barnean, museoak Cristóbal Balenciaga Museoaren I. Uda Ikastaroa aurkeztu du, modako profesionalen gaitasun teknikoak areagotzeko urteko hitzordu garrantzitsu bihurtzeko asmoz. Uztailak 6an burutuko da Donostiako Miramar Jauregian goizeko 9:30ean hasita. Plazas mugatuak izango dira, beraz izena ematea beharrezkoa izango da.

Cristóbal Balenciagak moda-sortzaile eta enpresari gisa egindako ibilbide oparoari hasiera eman zionetikoa oroituko du Museoak 2017an, 100 urte betetzen baitira Donostian lehenengo denda ireki zuela, eta 80 urte Balenciaga Paris etxea sortu zuela.

Hori horrela, eta Euskal Herriko Unibertsitatearen programaren barnean, museoak Cristóbal Balenciaga Museoaren I. Uda Ikastaroa aurkeztu du, modako profesionalen gaitasun teknikoak areagotzeko urteko hitzordu garrantzitsu bihurtzeko asmoz. Lehen edizioan, 'Modako ekintzailetza gaur' izenburuarekin, urteurren seinalatuari loturiko gaiak landuko dira; moda-sektoreko negozio-ekintzailetza, berrikuntzaren ikuspegitik.

Moda-enpresek, finkatuta daudenek zein sortu berriek, eta industriako profesionalek teknologia berriek negozio ( eta kontsumo) ereduetan eragiten dituzten aldaketa bizkorrei aurre egin behar diete. Orain, segmentazioaren xedea ez da biztanle talde jakin bat, baizik eta kontsumitzaile bakoitza. Ezin esan daiteke 'erosketa', 'kontsumo-esperientzia' baizik. Hala, enpresak bezeroarekin harreman bat eraikitzen jakin behar du. Denda fisikoa ez da aski, ezta e-merkataritza ere, eta online zein offline bideak erabili behar dira aipatutako esperientzia eskaintzeko.

Ikastaroa jardunaldi bakarrekoa izango da, eta moda-negozioko arlo estrategikoei buruzko hiru aditu-hitzaldiz osatuko da. Adituok ikuspuntu espezializatuak, egungo egoeraren erronken eta aukeren gaineko ikuspegi orokorra eta ekintzaileek sektorean arrakasta izateko beharrezkoak diren gaitasunak izango dituzte hizpide. Ekimena moda-arloko diseinuko eta merkataritza-kudeaketako ikasleei eta profesionalei, sormen-zuzendariei, joera-analistei, publizistei eta modan interesatutako edonori zuzenduta dago. Informazio gehiago 943 00 47 77 telefono zenbakian edo @. info@fbalenciaga.com posta elektronikora jota lor daiteke.

Recibe nuestras newsletters en tu email

Apúntate