'Ekitatea eta klima aldaketa', ikasleen udalbatzarreko gaia

Urtero gai nagusi bat planteatzen da, Eskolako Agenda 21 programaren barruan, ikasleek lantzeko. Ikasturte honetan landu dutena 'Ekitatea eta klima aldaketa' izan da. Gai hau landu dute Orioko ikasleek beren zentroetan eta, lanketa horren ostean, Eskolen Arteko Foroan bildu ziren bi ikastetxeetako ikasleen ordezkariak apirilean. Foroaren bilera ikastolako aretoan izan zen eta bertan maila guztietako 39 ikaslek parte hartu zuten. Foroan Orioko egoera aztertu zuten, ekitatearen eta klima aldaketaren ikuspegitik eta hainbat proposamen zehaztu zituzten, Udalari planteatzeko.

Ekitaldi irekia

Gaurko udalbatzarrean ikasleek egin duten lanaren berri emango diete udal ordezkariei, eta beren proposamenak planteatuko dizkiete zuzenean. Udal ordezkariek proposamenak jaso eta erantzungo dituzte edo, momentuan erantzuteko modurik ez badago, aztertzeko konpromisoa hartuko dute.

Udalak gonbita egiten die herritarrei, udalbatzar berezi honetan parte hartzeko.