Diario Vasco

III. Herri azoka antolatzeko deialdi zabala egin du Astinduk

Azoka prestatzeko deialdia egin du Astinduk.
Azoka prestatzeko deialdia egin du Astinduk. / ARRIZABALAGA
  • Asteazkenean izango da hau antolatzeko lehenengo bilera, kultur etxean

Maiatza, eguna luzatzearekin batera loratuz doaz bazterrak. Hori dela eta, herri azokaegingo da Zestoan. Aurtengoa hirugarrena izango da. «'Herri' izaera izatekotan, ordea, herriko beste talde eta eragileei irekia behar duela pentsa-tzen dugu: artisauak, baserritarrak, bertako ekoizleak, herriko kultur taldeak, gai sozialak lantzen dituzten taldeak, artea lantzen dutenak... denok koloreztatzen baitugu Zestoa» dio azoka hau antolatu ohi duen Astindu taldeak deialdi zabala egiterakoan.

Talde honen esanetan «herriko dinamika ezberdinen erakusleiho izan nahi du azokak, elkargune eta topaleku. Hainbat ekimen proposatu nahi ditugu aurtengoan eta zuenari ere bide eman nahi genioke. Eskuartean duzuen hori herriratzeko aukera izan nahi du azokak. Gurea herri txikia izanik, elkarlanean emaitza hobeak lortzen ditugula sinetsita gaude» .

Taldeei deialdia luzatzeaz gain norbanakooi ere deialdia luzatu nahi die, antolakuntza lanetan esku bat botatzeko prest dauden herritarren laguntza eskertuz aurrez.

Hilaren 26ean, asteazkenez, arratsaldeko 19:00etan, kultur etxean, izango da azoka berezi hau antolatzeko izango den bilera.

Bidea itxita arratsaldean

Gaur, larunbata, Azpeitiko Rally-a ospatuko da, Azpeiti eta Zestoako lurretan. Auto proba hau Etumetatik barrena Aizarnan amaitzen da, egunean zehar hainbat «manga» edo proba lehiatzen direlarik.

Proba hau dela medio, gaur, 13:30etik 19:30era itxita egongo da bidea zati horretan. Izan ere, lasterketa 3 aldiz pasako da errepide honetatik. Hala ere posible da une batzuetan, proba bakoitzaren artean, bidea zabaltzea, denbora gutxi bada ere.

Santakutzak

Maiatzak 2 eta 3an izango dira Sanatakutzak, heldu eta gaztetxoen danborrada tarteko. Horren harira bi ohar: Atabalak taldekoek, ohikoa denez, Kanarion egingo dute afaria; afarirako txartelak Potxolonian salgai, ostirala bitartean. Bestalde, Gure Txokoa taldekoek jakin entsegua ostegunean egingo dutela, hilak 27, gaueko 21:00etan, elkartean bertan.

Recibe nuestras newsletters en tu email

Apúntate