Diario Vasco

Hasi berri dira Mutiozabal ontziolaren eraikina sendotzeko lanak

Mutiozabal. Ontziola sendotzeko lehen lanak hasi ditu dagoeneko Murgil SL enpresak.
Mutiozabal. Ontziola sendotzeko lehen lanak hasi ditu dagoeneko Murgil SL enpresak.
  • Lanak Murgil SL enpresak egingo ditu eta 6-8 aste iraungo dute, aurrekontua 105.000 eurokoa izanik; Foru Aldundiak 55.000 ordainduko ditu

Hasi dira Mutiozabal ontziola sendotzeko lanak. Hori bai, nahi baino beranduago hasi dira, eraikinaren estalkian eta beste toki ba-tzuetan amiantodun fibrozementua zegoelako eta amianto hori kendu egin behar izan delako lanean hasi aurretik. Amiantoa kentzeko lana legez ezarritako prozedura baten arabera egin behar da eta horrek luzatu egin ditu epeak.

Eraikinaren egoera oso txarra da gaur egun, bistan da hori; baina, egingo diren lanen bitartez, egitura sendotu egingo da, teilatua berritu eta kanpoko paretak indartu. Horrela, bermatuta geratuko da eraikinaren iraupena, edozein momentutan abailtzeko arrisku handia zeukan-eta. Lanak Murgil SL enpresak egingo ditu eta 6-8 aste iraungo dute. Obrak 105.000 euro inguruko kostua izango du eta Gipuzkoako Foru Aldundiak diruz lagunduko du (55.000 euro). Udalak 2016an erosi zion eraikina Mutiozabal familiari, orduan ere Gipuzkoako Foru Aldundiaren laguntza jasota.

Mutiozabal ontziola Herriko Plazaren pare-parean dago, errioaren bestaldean. 1919an eraiki zen eta, gaur egun, Oriako itsasadarrean geratzen den ontziola bakarra da. Gipuzkoan ere dagoeneko ez da geratzen zutik mota honetako ontziolarik, eta horrek ematen dio balioa.

Mutiozabal familia tradizio handikoa da ontzigintzan. Mutiozabaldarrek, aurrez, Aginagan zuten on-tziola, baina gero, 1919an, gaur egungo kokalekura aldatu zuten. Garai hartan Antonio Mutiozabal ibili zen bertan lanean, eta gero Ostolaza familiaren eskuetara pasa zen. Haiek, 1945ean, Francisco Carrera 'Txanka'-rekin eta Agustin Gozategirekin sozio egin ziren. Francisco Carrera hil zenean, haren seme Ramon Carrerak hartu zuen ontziolaren ardura eta, gutxi gorabehera, 2007ra arte eutsi zion jarduerari.

Nabe bakarreko eraikina dugu, 12 x 15 metrokoa hain zuzen. Guztira, 160 metro koadroko azalera du Mutiozabal ontziolak. Harrizko fatxada dauka eta teilatuari zurezko egitura batek eusten dio.

Recibe nuestras newsletters en tu email

Apúntate