Diario Vasco

Keta Babyautori ihes egin zion Legazpin aukera paregabeak

Eserlekuan. Erabakiak hartu behar dituzte entrenatzaileek.
Eserlekuan. Erabakiak hartu behar dituzte entrenatzaileek.
  • Sailkapenean atzetik zeraman Ilintxaren aurka galdu eta datorren jardunaldian finala izango du Mondragonen aurka

Keta Babyautok aukera bikaina galdu zuen larunbatean. Sailkapenean atzetik sailkatuta zegoen Ilintxaren aurkako partida ez zen nahi bezala atera eta 1-0 emai-tzarekin esku hutsik itzuli ziren Legazpitik. Orain, Ilintxa 4 puntura jarri da eta aurretik, Mondragon dute, beste 4 puntura. Beasain eta Idiazabal sei puntura daude orain, Gorengoen mailako liga amaitzeko sei jardunaldi geratzen direnean.

Lehen zatian ez ziren ongi atera getariarrak. Zelaian lekua hartzea kosta egin zitzaien eta inork aukera garbirik sortu ez arren, legazpiarrak intentsitate handiagoarekin jokatu zuten. Partidako gol bakarrak 25. minutuan etorri zen. Aldaratze baten ondoren, Ilintxak ez zuen barkatu atezainaren aurrean.

Bigarrenean egoera aldatu zen. Keta Babyautok izan zuen baloia eta intentsitate handiagoz jokatu zuten. Zati osoan zehar Ilintxakoen ate inguruan ibili ziren eta langa hiru aldiz jo ostean, egindako lanak ez zuen saririk izan. Gauzak ez ziren atera nahi bezala eta markagailua ez zen mugitu.

Datorren astean, beste final bat izango dute Mondragonen aurka. Bi jardunaldi etxetik urrun jokatu ondoren, berriro Mendibeltz futbol zelaira itzuliko dira eta hil ala biziko partida izan daiteke. Getariar zaleak dagoeneko txoko bat gordetzen hasi behar dute asteburuko partidan hiru puntuan etxean gera daitezen eta lan horretan zaleen laguntza ezinbestekoa izango da. Sailkapenean Keta Babyautoren aurretik daude, 4 puntura.

Jubenilak, aldiz, garaipenaren bidean dira berriz. Amara Berri B-ren aurka 2 eta 3 irabazi zuten eta sailkapeneko goiko postuetan jarraitzen dute. Oraingoz, hirugarrengo postuan daude kokatuta, bigarren sailkatua den Sanserengandik puntu batera eta liderrarengandik laura. Datorren astean Ekintza jasoko dute etxean.

Recibe nuestras newsletters en tu email

Apúntate