Diario Vasco

40 zumar landatu zituzten atzo Forondan egin zen Zuhaitz Egunean

Parte hartze handia egon zen Zuhaitz Egunean.
Parte hartze handia egon zen Zuhaitz Egunean.
  • W-Zuria tximeleta espeziea babestu eta honen hazkundea bultzatzea izan zen hitzorduaren helburua

Zuhaitz eguna ospatu zen atzo Zumaian. Guztira 40 zumar landatu ziren Forondako lur sailetan, W-Zuria tximeleta espeziea babestu eta honen hazkundea bultzatzeko. Horietatik 20 ale Nekazaritza Ministerioak emandakoak dira eta beste 20ak Foru Aldundiak eskainitakoak. Parte hartzaileak Algorri Interpretazio Zentroan elkartu ziren, Zerynthia Tximeleta Elkarteko kideek proiektuaren inguruko azalpenak entzuteko. Ondoren, Forondarantz joan ziren oinez zumarren landaketari hasiera emateko. Atzo ere Gipuzkoako haur misiolarien eguna ospatu zen Zumaian eta bertara etorritakoek landaketan parte hartzeko aukera ere izan zuten.

Babesa indartu

Aipatutako tximeleta beldarra den bitartean zumarrez soilik elikatzen da. 70eko hamarkadaz geroztik, ordea, zuhaitz mota hori gaixotasun bat pairatzen ari da eta ondorioz, W-Zuria espeziearen kopurua nabarmen gutxitu da Europa mailan. Hori dela eta, Zerynthia Tximeleta Elkarteak espeziearen hazkundea bultzatzeko garatu duen proiektuarekin bat egin du aurten Udalak eta aurtengo Zuhaitz Eguna espezie horren babesa indartuko duen zuhaitzak landatzera zuzendu du, helburu bikoitza betez: tximeletaren hazkundean laguntzea batetik eta zumar osasuntsuak hazteko habitata berreskuratu eta hobetzea, bestetik.

Recibe nuestras newsletters en tu email

Apúntate